ಸಂಪ್ರದಾಯದ ಪಾಚಿಯಲ್ಲಿ
ಜಾರುತ್ತಿವೆ ನನ್ನ
ಹೆಜ್ಜೆಗಳು
ಗುರಿ ತಿಳಿಯೆ
ದಾರಿ ಅರಿಯೆ
ಎತ್ತ ಹೊರಟಿದೆ
ಈ ಬಾಳ ಕಾಲು ದಾರಿ??
ನಮ್ಮದೇ ರಕ್ತದಲ್ಲಿ
ಕಟ್ಟಿದ ಆಶಾ ಸೌಧಗಳ
ಕೆಡವಿ ಕೆಡವಿ
ಗೋರಿಗಳ ಕಟ್ಟುತ್ತಾ
ಗೋರಿಗಳ ಮೇಲೆ
ಉದ್ಯಾನವನ ಕಟ್ಟುತ್ತಾ
ಬೆಳೆದ ಹಸಿರು ಹೂಗಳ ಮೇಲೆ
ನಡೆದಾಡುವ
ಹೆಜ್ಜೆಗಳು
ಇವು ಯಾರ ಹೆಜ್ಜೆಗಳು??
ಈ ರಾಕ್ಷಸ ಹೆಜ್ಜೆ
ಗುರುತುಗಳ ನಡುವೆ
ನನ್ನದೇ
ಹೆಜ್ಜೆಗಳು ನನಗೆ
ಅಪರಿಚಿತವಾಗಿವೆ
ಜಾರು ದಾರಿಯಲ್ಲಿವೆ...
ಜೀವನದ ಬೆಂಗಾಡಿನಲ್ಲಿ ಬೀಸುವ ತಂಗಾಳಿ ಮುಂದೆ ಸ್ನೇಹವೊಂದೆ....
ReplyDeleteಕಾಲನ ದಾಳಿಗೆ ಸಿಕ್ಕ ಎಲ್ಲವು ಕಾಲು ದಾರಿಯಲ್ಲಿ ನಲುಗುತ್ತದೆ..ಮತ್ತೆ ಹೊಸ ಆಶಾ ಭಾವ, ಜೀವನ ಮೊಳಕೆ ಒಡೆಯುತ್ತದೆ..ಸುಂದರ ಸಾಲುಗಳು
ReplyDelete